ញាក់សាច់!! ជិះម៉ូតូបើកបុកអ្នកកំពុងថ្មើរជើង បណ្តាលអោយស្លាប់ម្នាក់ និងរបួសម្នាក់នៅស្រុកអរិយក្សត្រ
កណ្តាល ៖ មានករណីគ្រោះថ្នាក់ចរាចរណ៍ រវាងម៉ូតូនិងអ្នកថ្មើរជើងបណ្ដាលឱ្យស្ត្រីម្នាក់ស្លាប់ម្នាក់ និងរបួសក្មេងស្រីម្នាក់នៅថ្ងៃទី២៦ មករា២០១៧ វេលាម៉ោង១១ និង៣០នាទីយប់ នៅចំណុចមុខផ្ទះតាកន លើផ្លូវជាតិលេខ៣៨០ ស្ថិតនៅក្នុងភូមិខ្សាច់ ឃុំអរិយក្សត្រ ស្រុកល្វាឯម
ខេត្តកណ្ដាល។
ប៉ូលិសនិយាយថា ជនរងគ្រោះ០២នាក់៖ ១.ឈ្មោះ វង្ស នីសេង ភេទស្រី អាយុ៥៦ឆ្នាំ មុខរបរកសិករ មានទីលំនៅបច្ចុប្បន្នភូមិខ្សាច់ ឃុំអរិយក្សត្រ ស្រុកល្វាឯម ខេត្តកណ្ដាល រងរបួសធ្ងន់ និង២.ឈ្មោះ ចិន សុភិនបញ្ញា ភេទស្រី អាយុ៣ឆ្នាំ៥ខែ នៅក្នុងបន្ទុករងរបួសស្រាល។
ចំណែកជនបង្កហេតុឈ្មោះ ឌុយ សាម៉ាឌី ភេទប្រុស អាយុ២១ឆ្នាំ មុខរបរកសិករ មានទីលំនៅបច្ចុប្បន្នភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្ដាល រងរបួសរលាត់ដាច់ប្រអប់ជើងខាងស្ដាំ បើកបរម៉ូតូម៉ាក Suzuki Smash ផលិតឆ្នាំ២០០៨ ពណ៌ក្រហមខ្មៅ ពាក់ស្លាកលេខភ្នំពេញ
-1AA-7077។
ប៉ូលិសបន្តថា នៅថ្ងៃខែឆ្នាំ និងម៉ោងកើតហេតុខាងលើ ជនបង្កហេតុឈ្មោះ ឌុយ សាម៉ាឌី បានចេញពីកន្លែងផ្ទះផឹកស៊ីឈ្មោះ វី ភូមិពោធិ៍ធំគោលបំណងមកផ្ទះនៅភូមិអរិយក្សត្រ ដោយជិះម៉ូតូម៉ាក Suzuki Smach ពណ៌ក្រហមខ្មៅ។
លុះមកដល់ចំណុចមុខផ្ទះឈ្មោះ កន បានបុកជនរងគ្រោះឈ្មោះ វង្ស នីសេង ដែលកំពុងតែដើរខាងស្ដាំរបស់ខ្លួន ក៏ដួលនៅកន្លែងកើតហេតុ។ បន្ទាប់មកក្រុមគ្រួសារ ជនរងគ្រោះបានបញ្ចូន ទៅព្យាបាលនៅមន្ទីរពេទ្យកាល់ម៉ែត ហើយបានស្លាប់នៅមន្ទីរពេទ្យ។ ជនបង្កខាងលើ និងវត្ថុតាងម៉ូតូត្រូវបានសមត្ថកិច្ចជំនាញចរាចរណ៍ និងប៉ុស្ដិ៍ បានឃាត់ខ្លួន។
តាមការសន្និដ្ឋានជនបង្កហេតុឈ្មោះ ឌុយ សាម៉ាឌី បើកបរក្នុងស្ថានភាពស្រវឹង ខ្វះការប្រុងប្រយ័ត្នមកបុកជនរងគ្រោះរហូតដល់ស្លាប់៕
ไม่มีความคิดเห็น:
แสดงความคิดเห็น